Get your copy today from Thuprai, Kitab Yatra or Daraz
जीवनको अस्थाईपनको किताब हो, यो। संयोग कस्तो पर्यो भने,कोरोनाले जीवनको क्षणिकता प्रमाणित गर्न केहि अघि मात्र यस्को लेखन सकिएको थियो। जीवनको क्षणिकताबीच पनि प्रेम,साहस र अमरत्वको खोज हो यो कृति। सुस्तरी गुनगुनाएर पनि मनै हल्लाउंछ - सम्बन्धहरुले ।
फागुन १४ गते यी बालिका भावना थामी काठमान्डु मोडेल अस्पतालमा डा. शंकरमान राईको कक्षबाहिर उभिएकी थिइन् । ...भावनाका पिता कालुमान दोलखाका दुर्गम पहाडहरूमा भारी बोक्ने एक गरिब रहेछन् । पहिलोपटक देख्दा त आफ्नै आँखामाथि विश्वास भएन । मेरोअगाडि एक यस्तो मानव आकृति उभिएको थियो, जसको मुहारको आधा भाग मानिसको जस्तो र बाँकी भाग कालो भुत्लैभुत्लाले भरिएको वनमान्छेजस्तो थियो । प्रकृतिको यो भद्दा मजाक एक अबोध बालिकामाथि भएको देखेर मेरो मन झनै विचलित भयो ।
हामीलाई दुई कुरामा बडो गर्व छ– बुद्ध र हिमाल । यी दुवै गौरवका विषय हुन् । अतः यी दुवैका प्रति नेपाली अभिमान स्वाभाविक पनि हो । तर, नढाँटी भन्ने हो भने हिमालका विषयमा हाम्रो जानकारी, हाम्रो अभिमानको तुलनामा निक्कै होचो छ । हामीमध्ये अधिकांशलाई नेपालका हिमाली शिखरहरूको तस्बिर देखाइए, विरलै चुचुराको नाम मात्र भन्न सक्छौं । ‘सगरमाथा हाम्रो सान, हाम्रो मान र हाम्रो परिचय’ भन्ने गीत गाएर हामी थाक्दैनौं । तर, सत्य के पनि हो भने सगरमाथाको शिखर हाम्रो मात्र होइन । ।
